|
|
胡同變民宿發奧運財
02/07/2008
如果要你住一間破舊房仔，仲要收一千蚊晚住宿費，點解仲會話抵？無錯，皆因於奧運舉行期間，北京城內酒店「Full Booking」情況嚴重，隨時有錢都無地方住。不過，於什剎海一帶的古舊胡同內，就有唔少「原居民」將自己擁有逾三百年歷史的四合院變成「民宿」，於奧運期間收費一千蚊晚仍客似雲來，令外地遊客可以一邊睇奧運、一邊體驗中國古代私房生活！
據估計於奧運舉行期間，單計海外旅客到來北京就會有五十萬，他們於北京可唔可以「食得招積、住得舒適」，將直接影響呢班外國人對中國印象。而有唔少遊客到外地旅遊，都鍾意住「民宿」，貪佢可以透徹咁了解當地文化外，仲可以同當地人作出最直接交流。
300年歷史 漲價4倍
講到北京呢個集合歷史文化新舊交替的歷朝首都，最有特色的民宿首選當然係四合院啦！小記去到京城內四合院集中地的什剎海一帶，搵到一間建於一六二二年的民宿，負責人兼導遊張小姐透露，雖然依家一間適合一對夫婦或一家三口的房間租金係二百四十元一晚，不過於奧運舉行期間將會漲價至一千元，但仍客路不絕：「早兩個月前我們已經收到唔少預訂，相信唔少外國人都想於奧運期間，順道感受中國古代生活。我們除了有百年大宅外，仲有『艾窩窩』同埋『驢打滾』呢些最地道早餐提供。」
原來呢間四合院大宅係張小姐阿爺於六十年前用二千元買落，至今已經歷四代，依家除了一間房由叔叔嬸嬸住緊之外，其餘四間都用晒做民宿「搵真銀」！呢四間房中，張小姐就話「新娘房」最受歡迎：「之前有兩個美國留學生度蜜月，我們專登將房內所有擺設整成紅色，仲掛埋個『囍』字上去，猶如中國古代『新房』一樣。由於好多遊客都對呢間房感興趣，所以一直保留至今。」呢間大宅「賣相」雖然破舊，但反而成為「賣點」，充斥濃濃中國味！
住胡同有幾正
私房菜
除了民宿之外，唔少「原居民」都會開放屋企「搵錢」，例如私房菜就大受歡迎，如果大家於北京「大魚大肉」後，整餐清茶淡飯都唔錯。
好玩三輪車
於什剎海遊胡同舊店，最方便的交通工具當然係人力三輪車，車伕會一邊帶你遊盡胡同內最具特色建築，一邊介紹四合院等歷史。
什剎海景區
什剎海又稱前海，係北京有名的歷史文化旅遊區。風景宜人不在話下，仲有四十幾處文物保護單位，成為旅遊必到之處。
酒吧街
到了夜晚，什剎海就會變身成為年輕人新據點的酒吧街，沿岸匯聚唔少別具一格酒廊，特色商店及咖啡室。
近駐京辦
香港人住什剎海胡同最方便的地方，就係鄰近香港政府駐北京辦事處，萬一閣下旅途中唔見了身份證或者遇到困難，到西城區地安門西大街七十一號就搞得掂。
「奧運人家」計劃紓緩旅客潮
依家北京城內酒店及旅館的預訂情況爆滿得相當嚴重。為此北京旅遊局決定推出「奧運人家」計劃，公開招募市民家庭，為睇奧運旅客提供住宿服務，以解燃眉之急。
招募千戶家庭供住宿
北京旅遊局旅遊促進一處處長王清接受本報訪問時話：「呢類民宿並唔係話將房屋租畀旅客就算，係要全家人同他們一齊生活，甚至同他們出外時做埋導遊，所以家庭內一定要有人識得講英文，對奧運會亦要有一定認識，而居住的地點最好鄰近奧運比賽場地。」
入圍的一千戶「奧運人家」資料及家居相片將會放上網，畀遊客預先選擇，估計房價每晚只需四百至六百元人民幣。
酒店受規管毛巾都要跟指引
今次奧運各項服務都要做得盡善盡美，就如王清處長一語道破：「每個項目的金牌只得一個，咁其他贏唔到的選手心情一定唔好，返到住的地方就會處處『豆腐挑骨頭』兼發爛渣，所以要好好咁接待他們，以高質素服務平息怨氣。」
王處長列出唔少規管酒店的規則，當中最令小記驚訝的是，北京旅遊局連毛巾都要管，要用明文規定毛巾的顏色及柔軟度，在清洗、漂白、消毒、軟化、烘乾各樣過程都有指引規範。處長見小記半信半疑的樣子，就表示：「呢些事情香港係好正常，但於內地乜人都有，如果唔用明文規定，一定會有麻煩出現。」
改建民宿
私房菜
好玩三輪車
什剎海景區
酒吧街
酒店旅館規格政策
放榜無限分請你免費唱K
政務司司長巡視奧運餐飲設施
02/07/2008
政務司司長唐英年於本星期一（六月三十日）參觀奧運和殘奧馬術比賽指定餐飲供應商廠房，以及運動員、隨團人員、海外傳媒入住酒店的餐飲設施。
北京地圖
國際奧委會
中國奧委會
中國香港體育協會暨奧林匹克委員會
國際馬術聯會
香港馬術總會
人口：1,500萬
語言：普通話
貨幣：人民幣
主要景觀：萬里長城、頤和園、故宮博物館、紫禁城、天安門廣場
[ 本帖最後由 aaa 於 2008-7-28 10:00 編輯 ] |
本帖子中包含更多資源
您需要 登錄 才可以下載或查看，沒有帳號？註冊
x
|
IP
微信
收藏
蝵桅
瘝
變色卡
顯身卡
